Dou na vulica ena vuli qo na kena vakatavulici na Vosavakaviti Raraba. O sa vulica oti mai na FJ111: Na Vakadidike Vosa Vakaviti I kei na Umavosa Maroroi Vakaviti I. E so vei kemudou sa otiva mai na FJ211 kei na FJ221; mo dou kua ni guilecava na ka dou sa vulica oti mai ena veivuli tale e so.
O na tubera vakacava e dua e via kila na Vosavakaviti Raraba? O na tuvana vakacava na nomu iTuvatuva ni Vuli? Me vaka nira levu na ivukevuke yaga ni vuli torocake era sa volai tu ena vosa vakaperitania, o na vakadewataka vakacava? Se mani itagede cava o na veiqaravi kina ena gadrevi vei iko mo kila na veivakatavulici kei na veituberi.
Datou na saga ena FJ212 Veika Vakaviti me datou vakadewavosa, buli vosa vovou, vakarautaka na ituvatuva ni vuli, vasokomuni itukutuku,vakadidike, vuli mai vei ira na nodatou ilawalawa, veisoli vakasama, cokonaka e dua na nodatou iVolamata. Qai kena ilutua me datou toso vata kei na gauna vou ni teknolozi me vakayagataki na veiyaya vovou me vaka e tiko qo ena MOODLE, na zoom, viber ena nodatou vakatovotovo ena veituberi ena vosa vakaviti.
Kua sara ni o lomaleqa baleta ni datou na sokota vata tiko na waqa qo ni FJ212 Veika Vakaviti; e gadrevi dina kina na igu kei na solesolevaki.
O qasenivuli Apolonia Tamata
- Lecturer: Maraia Nasau
- Lecturer: Waisake Raliwalala
- Lecturer: Apolonia Tamata